СМІ паведамілі аб завяршэнні расійскай місіі ў гэтым рэгіёне Азербайджана. Працэс вываду расійскіх войскаў доўжыцца некалькі дзён.
Перыяд нетрывалага міру ў Нагорным Карабаху, які існаваў з 1994 года, але адносна часта перарываўся спарадычнымі ўзброенымі сутыкненнямі, завяршыўся ў верасні 2020 года. Затым Азербайджан паспрабаваў аднавіць кантроль над сепаратысцкім рэгіёнам. Пасля шасці тыдняў баёў, падчас якіх Баку пры падтрымцы Турцыі атрымаў значныя перавагі і тэрытарыяльныя заваёвы, у ноч з 9 на 10 лістапада 2020 года было падпісана армяна-азербайджанска-расійскае мірнае пагадненне.
У адпаведнасці з ім была дасягнута дамоўленасць аб спыненні агню і на спрэчную тэрыторыю ўведзены так званыя міратворчыя расійскія войскі. Колькасць гэтага кантынгенту складала прыкладна 2000 чалавек.
Праз тры гады, 19-20 верасня 2023 года, Азербайджан правёў нечаканую для Арменіі ваенную аперацыю ў Нагорным Карабаху. Пасля таго, як анклаў быў захоплены ўзброенымі сіламі Азербайджана, улады Карабаху абвясцілі аб спыненні існавання непрызнанай рэспублікі з 1 студзеня 2024 года. Прыкладна праз тыдзень, у канцы верасня, амаль усе жыхары пакінулі сепаратысцкі рэгіён. Раней улады Ерэвана ацэньвалі насельніцтва Нагорнага Карабаху прыкладна ў 120 тысяч чалавек.
PAP/вх