З гэтага самалёта расіяне абстрэльвалі ракетамі ўкраінскія тэрыторыі.
Паводле ўкраінскай выведкі, Ту-22М3 быў збіты за 300 кіламетраў ад межаў Украіны. Верагодней за ўсё, з зенітнай сістэмы С-200.
Бамбавік упаў у раёне расійскага Стаўрапаля.
Упершыню з пачатку вайны ўкраінцы збілі расійскі бамбавік падчас выканання баявых задач.
«Гэта несумненны поспех», — заявіў прэс-сакратар ВПС Украіны Ілля Еўлаш. Ён дадаў, што гэта таксама своеасаблівая помста за абстрэлы ўкраінскіх гарадоў, у тым ліку ранішнюю атаку па Дняпры.
Збіты бамбавік атакаваў, у тым ліку, з выкарыстаннем ракет Х-22. Сёння ўкраінцам упершыню з пачатку вайны ўдалося збіць дзьве з гэтых ракет.
IAR/вх