Міністэрства юстыцыі Эстоніі паведамляе, што некалькі краінаў выказалі зацікаўленасць у арэндзе турмаў у Эстоніі. Дэталі не паведамляюцца, але ў ведамстве падкрэсліваюць, што ў апошнія гады колькасць зняволеных у эстонскіх турмах змяншаецца.
З-за меншай колькасці зняволеных Мінюст Эстоніі мусіць шукаць ашчаднасцяў у працы турмаў. Адным з варыянтаў захавання занятасці ў турэмнай сістэме зʼяўляецца арэнда турэмных памяшканняў іншым краінам.
Грамадскае тэлебачанне Эстоніі паведамляе, што некалькі краінаў Еўропы выкарыстоўваюць такую практыку, і прыводзіць прыклад Даніі, якая выкарыстоўвае турмы ў Косаве. Аднак у Эстоніі няма адпаведных правілаў, якія б гэта рабілі магчымым, таму ўрад павінен прыняць адпаведныя пастановы.
Тэма не новая, бо летась эстонскія СМІ паведамлялі, што Вялікабрытанія зацікаўленая ў арэндзе турмаў, аднак пакуль дамова на гэты конт не была дасягнутая.
IAR/аз