Крамлёўскія СМІ паведамлялі, што будуць прысутнічаць прадстаўнікі 30 краін. Незалежныя СМІ нагадваюць, што агрэсарам, які напаў на Украіну, з'яўляецца Расія, а яе лідар Уладзімір Пуцін пераследуецца міжнародным правасуддзем за ваенныя злачынствы.
БРІКС - свабоднае аб'яднанне групы краін на аснове фінансава-эканамічнага супрацоўніцтва. Першапачаткова ў групу ўваходзілі: Бразілія, Расія, Індыя, Кітай і ПАР. Сёлета далучыліся Іран, Егіпет, Аб'яднаныя Арабскія Эміраты і Эфіопія.
У чарзе — Турцыя і Беларусь. Лідараў гэтых краін чакаюць на саміце ў Казані. Прэзідэнт Бразіліі ўстрымаўся ад асабістага ўдзелу, патлумачыўшы, што ён хворы.
На саміце чакаюцца абмеркаванні сітуацыі на глабальным поўдні, адзінай палітыкі ў дачыненні да ЗША і Еўрасаюза і так званай рэформы ААН. Ці будзе тэма вайны ва Украіне абмяркоўвацца акрамя кулуарных перамоў, невядома.
ПР/юл