Амерыканскі горад Лос-Анджэлес плануе транспартную рэвалюцыю да летніх Алімпійскіх гульняў 2028 года. Арганізацыйны камітэт абвясціў аб партнёрстве з кампаніяй Archer Aviation. Мэта — запусціць службу лятаючага таксі для фанатаў.
Archer Aviation плануе выкарыстоўваць парк самалётаў вертыкальнага ўзлёту і пасадкі (eVTOL), якія будуць перавозіць пасажыраў паміж абранымі пунктамі ў горадзе і алімпійскімі арэнамі. Чакаецца, што рэйсы будуць доўжыцца ад 10 да 20 хвілін і будуць даступныя праз прыкладанне, падобнае на Uber. Чакаецца, што кошт паездкі будзе параўнальны з таксі высокага класа.
Нягледзячы натое, што падобныя планы не былі рэалізаваныя на мінулагодніх Парыжскіх гульнях, Archer Aviation спадзяецца атрымаць сертыфікацыю ад Федэральнага ўпраўлення грамадзянскай авіяцыі ЗША ў гэтым годзе. Чакаецца, што пілотная мадэль лятаючага таксі «Поўнач», абсталяваная 12 рухавікамі, будзе ствараць менш шуму і выкідаў, чым традыцыйны верталёт.
Гэтая ідэя можа змяніць спосаб перамяшчэння людзей па загружаным Лос-Анджэлесе і, як сказаў генеральны дырэктар Archer Aviation Адам Голдштэйн, «пакінуць спадчыну, якая будзе вызначаць будучыню транспарту ў Амерыцы».
Горад Лос-Анджэлес, які ў трэці раз прыме гульні, абвясціў, што ў 2028 годзе будзе абмежаваны аўтамабільны рух, нягледзячы на адмову ад планаў па пашырэнні грамадскага транспарту.
IAR/нг