Прэзідэнт ЗША Дональд Трамп асудзіў напад, назваўшы яго матываваным антысемітызмам.
Меркаваны злачынец быў затрыманы і ідэнтыфікаваны як 30-гадовы Эліяс Радрыгес з Чыкага, паведаміла Сміт падчас прэс-канферэнцыі.
«Падчас арышту злачынец крычаў «свабоду, свабоду Палесціны», — распавяла начальнік паліцыі Вашынгтона. Яна дадала, што перад нападам мужчына абышоў Сталічны габрэйскі музей (Capital Jewish Museum), затым падышоў да чатырох чалавек і стрэліў у дваіх, мужчына і жанчына загінулі. Пасля нападу падазраванага затрымалі ахоўнікі.
Музей размешчаны насупраць штаб-кватэры ФБР у Вашынгтоне. Старшыня Амерыканскага габрэйскага камітэта (AJC) Тэд Дойч заявіў, што мерапрыемства ў музеі прайшло пад эгідай яго арганізацыі.
Генеральны пракурор ЗША Пэм Бондзі і пасол Ізраіля ў Вашынгтоне Ехіель Лейтэр заявілі, што абмеркавалі інцыдэнт з прэзідэнтам Трампам. Сам Трамп апублікаваў кароткі пост у сваёй сацыяльнай сетцы Truth Social.
«Гэтыя жахлівыя забойствы ў Вашынгтоне, відавочна заснаваныя на антысемітызме, павінны спыніцца ЗАРАЗ! Нянавісці і радыкалізму няма месца ў ЗША. Спачуванні сем'ям ахвяр. Сумна, што такое можа адбывацца! Хай дабраславіць вас усіх Бог!» — напісаў Трамп.
Мужчына і жанчына, якія загінулі, былі супрацоўнікамі амбасады Ізраіля ў ЗША, яны планавалі вяселле ў Іерусаліме.
РАР/вх