Колькасць жыхароў Вільнюса пастаянна расце. У сталіцы Літвы цяпер пражывае больш за 607 тысяч чалавек. Тым часам, паводле дадзеных, апублікаваных Латвійскім статыстычным упраўленнем, колькасць жыхароў Рыгі скарацілася да 592 тысяч. У сваю чаргу, у Таліне пражывае крыху больш за 450 тысяч чалавек.
Улады сталіцы Літвы падкрэсліваюць, што за апошняе дзесяцігоддзе колькасць жыхароў Вільнюса павялічылася на 13 працэнтаў. Гэта звязана, сярод іншага, з дынамічным развіццём эканомікі, ростам інвестыцый замежных кампаній і ўсё лепшымі ўмовамі жыцця.
Дынамічнае развіццё горада ў першую чаргу абумоўлена сектарам новых тэхналогій. У эканамічным плане сталіца Літвы адыгрывае ключавую ролю ў рэгіёне.
Паводле дадзеных Еўрастата, у мінулым годзе ВУП Рыгі на душу насельніцтва склаў 77 працэнтаў ад сярэдняга паказчыка па ЕС, у Таліне — 96 працэнтаў, а ў Вільні — 105 працэнтаў.
Вільнюс сталіца таксама можа пахваліцца чыстым паветрам, нізкім узроўнем шуму і высокім узроўнем бяспекі.
IAR/вх