Злучаныя Штаты — адзіная краіна сярод 184 эканомік свету, дзе назіраецца зніжэнне даходаў ад турызму замежных наведвальнікаў. Сусветная рада па падарожжах і турызме прагназуе, што турысты выдаткуюць у Злучаных Штатах прыблізна 169 мільярдаў долараў у 2025 годзе, у мінулым годзе было на 12 мільярдаў долараў больш.
У першую чаргу гэта звязана з узмацненнем памежнага кантролю і гандлёвымі войнамі, выкліканымі тарыфамі, уведзенымі адміністрацыяй Дональда Трампа.
У Лас-Вегасе ў гэтым годзе назіраецца зніжэнне колькасці наведвальнікаў у параўнанні з аналагічным перыядам мінулага года — у чэрвені колькасць турыстаў скарацілася амаль на 400 000, што на 11 працэнтаў менш у параўнанні з аналагічным перыядам мінулага года.
«Найбуйнейшыя гасцінічныя сеткі Амерыкі паведамляюць пра запаволенне росту і знізілі свае прагнозы даходаў. Тарыфы і непапулярныя палітычныя рашэнні адбіваюцца на іх», — піша New York Times.
Гэта асабліва адчуваецца ў Нью-Ёрку, самым папулярным міжнародным турыстычным напрамку краіны. Турыстычная рада Нью-Ёрка знізіла свой прагноз па колькасці міжнародных турыстаў у 2025 годзе на 17 працэнтаў.
ПР/юл