Дагэтуль палітыкі бачыліся толькі падчас міжнародных самітаў. Сёння Уладзімір Зяленскі і Роберт Фіца ўпершыню пагавораць твар у твар. Сустрэча прэзідэнта Украіны і прэм'ер-міністра Славакіі адбудзецца ва Ужгарадзе, прама на ўкраінска-славацкай мяжы.
Да нядаўняга часу Роберт Фіца сцвярджаў, што сустрэча з Уладзімірам Зяленскім не мае сэнсу. Ён называў яго ворагам Славакіі, абвінавачваючы ў дзеяннях на шкоду краіне. Крыніцай спрэчкі стала прыпыненне Кіевам транзіту расійскага газу і, зусім нядаўна, украінскія напады на нафтаправод «Дружба». Прэм'ер-міністр Славакіі і раней крытыкаваў ваенную падтрымку Украіны і антырасійскія санкцыі.
Славацкія каментатары адзначаюць, што, нягледзячы на напружаную атмасферу, у Зяленскага ёсць прагматычныя прычыны для сустрэчы з Фіца. Славацкія зброевыя кампаніі з'яўляюцца ключавымі пастаўшчыкамі буйнакаліберных боепрыпасаў для ўкраінскай арміі. Браціслава падтрымлівае Кіеў экстраннымі пастаўкамі электраэнергіі. Таксама мае значэнне яе магчымая падтрымка інтэграцыі Украіны з Еўрапейскім Саюзам.
Пасля размовы з Уладзімірам Пуціным у аўторак (2 верасня), якая тычылася, сярод іншага, перспектыў заканчэння вайны ва Украіне, Фіца абвясціў, што ў яго ёсць «важныя навіны» для Зяленскага. Ён не раскрыў ніякіх падрабязнасцей.
IAR/яс