Апеляцыйны суд у Балонні падтрымаў прысуд аб экстрадыцыі ў Германію ўкраінца, які падазраецца ў падрыве газаправода Nord Stream. Абаронца мужчыны абвясціў аб падачы апеляцыі ў Касацыйны суд.
Сяргей К. быў арыштаваны 21 жніўня ў Рыміні па запыце нямецкай пракуратуры. Суд першай інстанцыі, а цяпер і Апеляцыйны суд, пастанавілі, што мужчына павінен быць экстрадаваны ў Германію.
Абвяшчаючы аб новай апеляцыі, абаронца спасылалася, сярод іншага, на рашэнне Акруговага суда ў Варшаве, які адмовіў Германіі ў экстрадыцыі іншага ўкраінца – Уладзіміра Жураўлёва. Нібыта Жураўлёў тры гады таму супрацоўнічаў з Сяргеем К. па справе падрыву газаправода. 17 кастрычніка бягучага года Акруговы суд у Варшаве не толькі адмовіў у экстрадыцыі Уладзіміра Жураўлёва ў Германію, але таксама адмяніў яго арышт і загадаў вызваліць мужчыну.
Суддзя Дарыюш Лубоўскі абгрунтаваў рашэнне тым, што падрыў газаправода, які ў асноўным належыць Расіі, з'яўляецца элементам вайны – незалежна ад таго, хто яго здзейсніў.
У Германіі Сяргею К. пагражае 15 гадоў пазбаўлення волі.
IAR/аз