Колькасць ахвяр выбуху на заводзе «Пластмас» у Капейску ў Чэлябінскай вобласці Расіі вырасла да 13. Выбух адбыўся 22 кастрычніка, але пошук 10 чалавек надалей працягваецца. Больш за 30 было параненых.
Прычына выбуху пакуль не была названая. У афіцыйнай заяве згадваецца халатнасць у працэдурах бяспекі. Некаторыя вэб-сайты падазравалі атаку ўкраінскага беспілотніка. Аднак гэтая версія не была пацверджаная.
Верагодна, на заводзе ў Капейску вырабляюцца выбуховыя рэчывы. «Пластмас» уваходзіць у склад канцэрна «Растэх», які падтрымлівае развіццё сучасных тэхналогій для грамадзянскага і ваеннага сектараў.
Пасля нападу Расіі на Украіну «Растэх» павялічыў вытворчасць узбраення. Звязаныя з ім кампаніі вырабляюць танкі, баявыя машыны, беспілотнікі і боепрыпасы.
IAR/аз