Пасол Польшчы ў Расіі Кшыштаф Краеўскі стаў аб’ектам агрэсіі ўдзельнікаў пікету ў Санкт-Пецярбургу, пацвердзіў у эфіры дзяржаўнага інфармацыйнага тэлеканалу TVPinfo прэс-сакратар польскага МЗС Мацей Вевюр. Раней пра гэта паведамілі польскі СМІ.
Інцыдэнт адбыўся ў нядзелю ў горадзе на Няве падчас мерапрыемстваў, прысвечаных Дню Незалежнасці Польшчы. Пасол у суправаджэнні консула накіроўваўся на службу ў базіліку святой Кацярыны Александрыйскай, калі іх зачапілі ўдзельнікі пікета, якія трымалі ў руках рэквізіты з антыўкраінскімі і антыпольскімі лозунгамі. Пасля слоўнага акту агрэсіі пікетоўцы хацелі перайсці да фізічнага супрацьстаяння, аднак у гэтым ім перашкодзілі афіцэры Службы аховы дзяржавы, якія суправаджалі дыпламатаў.
Прэс-сакратар МЗС Польшчы паведаміў, што гэтае пытанне было ўзнятае на сустрэчы з часовым павераным у справах Расіі ў Польшчы.
«Расійскі бок прызнаў, што, безумоўна, такая сітуацыя не павінна была адбыцца і што такія здарэнні не павінны мець месца», – сказаў Мацей Вевюр.
вс