Гэта звязана з ростам колькасці інцыдэнтаў з кантрабанднымі паветранымі шарамі, якія ўжо некалькі тыдняў паралізуюць віленскі аэрапорт.
Літва часова закрыла мяжу з Беларуссю ў кастрычніку. Два тыдні таму, пасля таго, як Вільня заявіла аб зніжэнні колькасці інцыдэнтаў з паветранымі шарамі, пераходы былі зноў адкрыты. Нягледзячы на гэта, віленскі аэрапорт зноў не мог працаваць у мінулыя выхадныя з-за выяўлення сарака абʼектаў, якія ляцяць у бок літоўскай тэрыторыі.
На пытанне ў эфіры літоўскага грамадскага тэлебачання LRT, ці разгледзяць Польшча і Латвія таксама магчымасць закрыцця мяжы з Беларуссю, калі Літва захоча яе зноў закрыць, Інга Ругінене адказала:
«Прэмʼер-міністры Польшчы і Латвіі запэўнілі мяне, што пры неабходнасці яны гатовыя сесці і абмеркаваць такую магчымасць».
Аднак яна дадала, што гэты этап яшчэ не дасягнуты, але як толькі ён будзе дасягнуты, яна запросіць усіх прэмʼер-міністраў, і дзеянні будуць скаардынаваны.
Прэмʼер-міністр Літвы заявіла, што Еўрапейская камісія таксама актыўна цікавіцца сітуацыяй. Літва называе інцыдэнты з кантрабанднымі паветранымі шарамі, запушчанымі з Беларусі, гібрыднай атакай. За апошнія два месяцы аэрапорты ў Вільні і Каўнасе былі зачыненыя ў агульнай складанасці дзевяць раз, што паўплывала прыкладна на 250 рэйсаў і больш за 36 тысяч пасажыраў.
ав