Абмежаванні на паветраны рух былі ўведзены позна ўчора (28 лістапада) і зняты сёння раніцай (29 лістапада). Улады паведамілі, што рашэнне аб закрыцці паветранай прасторы было прынята з-за таго, што на радарах з'явіліся навігацыйныя сігналы, характэрныя для паветраных шароў. Паведамлялася, што яны рухаліся ў бок Віленскага аэрапорту. Абмежаванні закранулі больш за тры тысячы пасажыраў і больш за дваццаць рэйсаў.
Віленскі аэрапорт закрывалі ў агульнай складанасці тры разы на гэтым тыдні. Раней, у ноч з нядзелі на панядзелак, кантрабандныя паветраныя шары таксама былі нагодаю прыпыніць работу аэрапорту. У сераду паветраны рух быў абмежаваны пасля таго, як польскі самалёт выехаў за межы ўзлётна-пасадачнай паласы.
IAR/вх