Брытанскі флот тры дні адсочваў расійскую падводную лодку ў праліве Ла-Манш.
Нягледзячы на шторм, расіяне заставаліся на плаву, а брытанскія экіпажы былі гатовыя да неадкладных дзеянняў. Трохдзённая аперацыя прадэманстравала, што расійскія падводныя лодкі ўсё больш агрэсіўна дзейнічаюць паблізу межаў Вялікабрытаніі.
Расійскую падводную лодку «Краснадар» суправаджаў расійскі буксір «Алтай». Абодва судны адсочваліся брытанскім танкерам RFA Tidesurge і верталётам Merlin з 814-й эскадрыллі марской авіяцыі.
Брытанцы сачылі за расіянамі з моманту іх уваходу ў Дуўрскі праліў, а затым у Ла-Манш. Брытанскія караблі ішлі за расіянамі да вострава ля ўзбярэжжа паўночна-заходняй Францыі. Затым караблі НАТА ўзялі на сябе кантроль за расіянамі.
Брытанскі флот раней папярэджваў аб узрастаючай пагрозе з боку расійскай ваенна-марской актыўнасці ў еўрапейскіх водах. За апошнія два гады колькасць расійскіх караблёў, якія набліжаюцца да Вялікабрытаніі, павялічылася на 30 працэнтаў.
IAR/яс