Прарыў па справе расійскіх актываў. Бельгія пагадзілася

Еўрапейскія лідары дамовіліся фінансаваць крэдыт для Украіны з замарожаных расійскіх актываў, паведаміў польскі прэм’ер.

Прэм'ер-міністр Бельгіі Барт дэ Вевер, прэм'ер-міністр Польшчы Дональд Туск і прэм'ер-міністр Нідэрландаў Дзік Схоф падчас саміту Рады ЕС у Брусэлі.

PAP/EPA/OLIVIER HOSLET

На саміце ЕС дасягнуты прарыў адносна крэдыту для Украіны. Еўрапейскія лідары дамовіліся фінансаваць яго з замарожаных расійскіх актываў. Пра гэта падчас саміту ЕС у Бруселі заявіў прэм'ер-міністр Дональд Туск.

Зараз вядуцца перамовы аб гарантыях для Бельгіі, якая захоўвае замарожаныя расійскія актывы і баіцца адказных мер з боку Расіі.

Польскі прэмʼер-міністр падкрэсліў, што Расія павінна заплаціць Украіне. «Хто нападаў, хто разбураў, хто бамбардзіраваў, хто забіваў, той павінен заплаціць», – сказаў Дональд Туск.

У сваю чаргу нямецкае інфармацыйнае агенцтва DPA паведаміла, што канцлер Германіі Фрыдрых Мерц плануе задаволіць патрабаванні Бельгіі і прызначыць на патрэбы Украіны актывы, якія належаць расійскаму цэнтральнаму банку і захоўваюцца ў Германіі. Агенцтва спасылаецца на крыніцы, знаёмыя з кулуарамі саміту ЕС у Бруселі.

IAR/аз