Турысты ў Рыме неўзабаве будуць абавязаны плаціць уваходны збор у памеры два еўра, калі яны захочуць убачыць знакаміты фантан Трэві зблізку. Такім чынам гарадскія ўлады спадзяюцца ў тым ліку знізіць «хаатычныя турыстычныя плыні», паведамляе ВВС.
Новае правіла набудзе моц з 1 лютага 2026 года.
Сабраныя сродкі будуць паступаць у гарадскі бюджэт для аплаты расходаў на ўтрыманне фантана і абслугоўванне там наведвальнікаў. Горад разлічвае атрымліваць 6,5 млн еўра ў год толькі ад платы за наведванне фантана.
Абвяшчаючы аб гэтым рашэнні ў пятніцу, мэр Рыма Раберта Гуальцьеры, як паведаміла агенцтва Reuters, сказаў, што «два еўра – гэта не так ужо шмат... і гэта прывядзе да менш хаатычных турыстычных плыняў».
Збор за наведванне фантана Трэві зʼяўляецца часткай новай тарыфнай сістэмы для некаторых музеяў і помнікаў у сталіцы Італіі.
Доступ да шэрагу абʼектаў, якія зараз спаганяюць плату за ўваход, стане бясплатным для жыхароў Рыма.
У той жа час турысты і асобы, якія не зʼяўляюцца рэзідэнтамі Італіі, павінны будуць плаціць за агляд фантана Трэві і яшчэ пяці славутасцяў, у тым ліку за ўваход у музей Напалеона.
Дзеці малодшай пяці гадоў, а таксама людзі з інваліднасцю і асоба, якая іх суправаджае, будуць вызвалены ад платы за агляд славутасцяў.
вх