Прэзідэнт Дональд Трамп загадаў Злучаным Штатам Амерыкі выйсці з 66 міжнародных арганізацый і суб’ектаў. Сярод іх Канвенцыя ААН па клімаце.
Белы дом тлумачыць гэтае рашэнне абаронай амерыканскага суверэнітэту і абмежаваннем фінансавання ініцыятыў, якія супярэчаць інтарэсам ЗША.
Дональд Трамп падпісаў мемарандум, які загадае адміністрацыі прыняць «неадкладныя меры» для выхаду Злучаных Штатаў Амерыкі з 35 міжнародных арганізацый, якія не ўваходзяць у сістэму ААН, і 31 арганізацыі і органа, звязаных з Арганізацыяй Аб'яднаных Нацый.
Сярод названых устаноў: Міжурадавая група экспертаў па змяненні клімату, Канвенцыя ААН па клімаце, Жаночая праграма ААН і Фонд ААН у галіне народанасельніцтва. Сярод арганізацый, якія не ўваходзяць у ААН: Міжнароднае агенцтва па аднаўляльных крыніцах энергіі, Міжнародны сонечны альянс і Міжнародны саюз аховы прыроды.
Белы дом падкрэслівае, што мэта – спыніць удзел і фінансаванне арганізацый, якія прасоўваюць «радыкальную кліматычную палітыку», «глабальнае кіраванне» і ідэалагічныя праграмы, якія супярэчаць амерыканскаму суверэнітэту і эканамічным прыярытэтам.
Паводле каментатараў, гэта чарговы крок да абмежавання ўдзелу Амерыкі ў глабальным супрацоўніцтве, у тым ліку ў галіне клімату і гуманітарнай дапамогі.
IAR/аз