Сотні тысяч дамоў без электрычнасці і адзін загінуўшы – такія папярэднія наступствы ўрагану «Нільс», які прайшоў па Францыі. Найбольш пацярпелі заходнія і паўднёвыя рэгіёны краіны, ад моцнага ветру, які суправаджаецца моцнымі дажджамі і мясцовымі паводкамі.
Уначы парывы ветру дасягнулі 150 кіламетраў у гадзіну амаль уздоўж усяго ўзбярэжжа Атлантычнага акіяну. Паваленыя дрэвы і пашкоджаныя слупы электраперадач заблакавалі некаторыя дарогі. Па стане на сённяшнюю раніцу больш за 850 000 хатніх гаспадарак застаюцца без электрычнасці – большасць з іх у Новай Аквітаніі і Аксітаніі.
Цыклон выклікаў трагічныя наступствы. У дэпартаменце Ланды кіроўца грузавіка загінуў, калі на яго ўпала галіна, адарваная моцным ветрам. Таксама ёсць паведамленні пра некалькіх параненых.
Складаная сітуацыя і ў рэгіёне Жыронда. Дзясяткі жыхароў невялікіх гарадоў вакол Бардо былі эвакуяваныя з-за рызыкі паводкі.
Школы і паркі ў многіх дэпартаментах зачыненыя, і ўлады заклікаюць жыхароў заставацца ўдома. Чакаецца, што папярэджанні аб надворʼі на поўдні Францыі будуць дзейнічаць прынамсі да заўтрашняга дня.
PR/юл