Павелічэнне выдаткаў на абарону еўрапейскіх краін і Канады зробіць саюзнікаў па НАТА больш раўнапраўнымі партнёрамі, заявіў у чацвер у Бруселі намеснік міністра абароны ЗША Элбрыдж Колбі.
Намеснік міністра абароны ЗША нагадаў міністрам абароны краін НАТА перад сустрэчай у чацвер у Бруселі, што ў 2025 годзе было «рэальнае абавязацельства Еўропы ўзяць на сябе вядучую ролю ў звычайнай абароне Альянсу».
«Настаў час рухацца наперад разам і дзейнічаць прагматычна. У нас ёсць сапраўды трывалы падмурак для партнёрства, для НАТА, заснаванага на партнёрстве, а не на залежнасці. Гэта вяртанне да таго, для чаго першапачаткова прызначалася НАТА», – сказаў Колбі.
Амерыканцы маюць намер задаць пытанні аб выдатках еўрапейскіх саюзнікаў на абарону падчас сустрэчы.
Паводле інфармацыі Польскага агенцтва прэсы (PAP), урад ЗША перад перамовамі сфармуляваў шэсць пытанняў, на якія яны будуць шукаць адказы. Пяць з іх тычацца абавязацельстваў саюзнікаў, прынятых на саміце НАТА ў Гаазе, штогод выдаткоўваць 5 працэнтаў ВУП на абарону і бяспеку да 2035 года. Раней гэтая мэта складала 2 працэнты ВУП.
Як стала вядома PAP, амерыканцы хочуць вызначыць, якія дзеянні робяць еўрапейскія краіны для дасягнення новай мэты – колькі яны ў цяперашні час трацяць на абарону і якую ваенную тэхніку яны маюць намер набыць.
Польшча мае моцныя пазіцыі ў гэтай галіне, бо яна выконвае свае абавязацельствы і выдаткоўвае ўсё большую суму на абарону адносна ВУП, апярэджваючы большасць еўрапейскіх краін НАТА ў гэтым плане.
РАР/юл