Нарвежскія ўлады расследуюць прычыну сурʼёзнага збою ў крытычна важнай інфраструктуры каля мяжы з Расіяй. На поўначы краіны быў абарваны падводны валаконна-аптычны кабель, што адрэзала тысячы жыхароў ад інтэрнэту, мабільнай сувязі і плацежных сістэм.
Паліцыя пачала расследаванне, а аператары актывавалі экстраную сувязь. Збой адбыўся ўчора (22 лютага) у рэгіёне Фінмарк, які мяжуе з Расіяй. Паводле паведамленняў нарвежскіх СМІ, збой вывеў з ладу дзевяць базавых станцый аператара Telenor, што выклікала сурʼёзныя праблемы ў некалькіх паўночных гарадах. Жыхары не маглі тэлефанаваць, карыстацца інтэрнэтам або плаціць картай.
Нарвежская паліцыя падкрэслівае, што ў цяперашні час няма ніякіх прыкмет сабатажу, але было распачата афіцыйнае расследаванне, паколькі адпаведная інфраструктура мае вырашальнае значэнне для нацыянальнай бяспекі.
На месца здарэння быў адпраўлены спецыяльны карабель для выяўлення пашкоджанняў на марскім дне. Паводле слоў аператара, рамонт можа працягвацца як мінімум да аўторка (24 лютага) пасля абеду.
Рэгіён Фінмарк мае стратэгічнае значэнне для Нарвегіі, бо мяжуе з Расіяй і мае вырашальнае значэнне для сістэм сувязі на крайняй поўначы Еўропы.
IAR/аз