Больш за 300 чалавек былі затрыманыя ў Катары за распаўсюд дэзінфармацыі ў сувязі з канфліктам на Блізкім Усходзе

Аўтарытарныя ўлады краін Персідскага заліва кантралююць паток інфармацыі ў сваіх краінах.

Дохa, Катар, 8 сакавіка 2026 г.

PAP/EPA/HANNIBAL HANSCHKE

Больш за 300 чалавек былі затрыманыя ў Катары па падазрэнні ў распаўсюджванні «зманлівага« кантэнту, а таксама выкліканне трывогі ў грамадстве ў сувязі з канфліктам на Блізкім Усходзе, паведаміла ў панядзелак Міністэрства ўнутраных спраў Катара.

У заяве гаворыцца, што згаданыя асобы былі затрыманыя за «запіс, распаўсюджванне і публікацыю зманлівай інфармацыі», паведамляе агенцтва The Associated Press.

Аўтарытарныя ўлады краін Персідскага заліва кантралююць паток інфармацыі ў сваіх краінах. Яны таксама папярэдзілі жыхароў не здымаць іранскія напады, адзначае New York Times.

З 28 лютага Іран абстрэльвае Катар і іншыя краіны Персідскага заліва ў адказ на амерыкана-ізраільскія ўдары па яго тэрыторыі. Іранскія атакі накіраваныя як на амерыканскія ваенныя базы ў рэгіёне, так і на грамадзянскую інфраструктуру.

PAP/аз