У прыватнасці, некалькі славенскіх сетак заправак увялі ліміты на запраўку: 30 літраў для легкавых аўтамабіляў, 200, а часам і 100 літраў для грузавікоў.
Паведамленні аб дэфіцыце на некаторых запраўках паступаюць і з некаторых рэгіёнаў Венгрыі, дзе ўводзяцца ліміты на запраўку.
Запасы паліва скарачаюцца ў Малдове. Міністр энергетыкі Дорын Юнгіету абвясціў, што запасаў бензіну хопіць на 16 дзён, а дызельнага паліва – на 9 дзён.
У суседняй Румыніі цэны растуць хутчэй, чым чакалася. Нягледзячы на ўмяшанне ўрада, кошт дызельнага паліва на некаторых запраўках ужо перавысіў псіхалагічны бар'ер у дзесяць леяў, або 8,40 злотых.
Раберта Метсола
Рост цэн на энерганосьбіты дэманструе, што канкурэнтаздольнасць і геапалітыка – гэта два бакі аднаго медаля, а нестабільнасць на Блізкім Усходзе мае прамыя наступствы для еўрапейскіх хатніх гаспадарак і бізнесу, заявіла ў чацвер старшыня Еўрапарламента Раберта Метсола.
Старшыня Еўрапарламента, якая традыцыйна сустракалася з лідарамі ЕС падчас пасяджэння Еўрапейскай рады ў Бруселі, заявіла на прэс-канферэнцыі пасля сустрэчы, што Еўропа з пачатку крызісу заплаціла на мільярды больш за імпарт энергіі, і гэты кошт будзе павялічвацца, калі перабоі будуць працягвацца. Таму, каб забяспечыць энергетычную незалежнасць, ЕС павінен інвеставаць у захоўванне энергіі, зніжаючы сваю энергетычную залежнасць ад трэціх краін і паскараючы мадэрнізацыю сваіх энергасетак.
«Гэта сутнасць справы, калі мы гаворым пра незалежнасць. У адваротным выпадку мы проста будзем працягваць плаціць высокую цану; нашы грамадзяне не павінны сутыкацца з гэтым», – дадала яна.
ав