Напярэдадні парламенцкіх выбараў у Венгрыі Расія праводзіць узмоцненыя дэзінфармацыйныя кампаніі, накіраваныя супраць лідара мясцовай апазіцыі, кажа эксперт Фонду Інстытут кібербяспекі Мікалай Рагалевіч (Mikołaj Rogalewicz).
Госць Польскага радыё 24 адзначыў, што расійскія дэзінфармацыйныя наратывы з'яўляліся і раней.
— Той факт, што расійская дэзынфармацыя зʼяўляецца рэгулярна, мае на мэце доўгатэрміновыя наступствы, уплыў і змену стаўлення грамадства ў доўгатэрміновай перспектыве. Аднак, вядома, у нас таксама ёсць новыя наратывы, якія ўзнікаюць у адказ на бягучыя падзеі або праблемы. Напрыклад, павелічэнне падтрымкі «непажаданага» палітыка, як у Венгрыі, прыводзіць да ўзнікнення кампаніі, накіраванай супраць яго.
Расійская сетка троляў «Mатрёшка», звязаная з Крамлём, далучылася да кампаніі напярэдадні венгерскіх парламенцкіх выбараў.
Адно з ілжывых паведамленняў, якое распаўсюджвалася, сцвярджала, што ўкраінскі бежанец быў арыштаваны ў Францыі пасля спробы кінуць гранату ў венгерскую амбасаду ў Парыжы. Следчыя падкрэслілі, што паведамленні былі цалкам выдуманымі.
У чарговым сфабрыкаваным рэпартажы сцвярджалася пра больш за тысячу меркаваных нападаў украінскіх бежанцаў на грамадзян Венгрыі ў некалькіх еўрапейскіх краінах. Відэазапісы, якія суправаджаліся лагатыпамі Euronews і Human Rights Watch, прызначаны для павышэння верагоднасці гісторыі, хоць, як адзначалася, ніякага расследавання па гэтай справе ніколі не праводзілася, і не было прадстаўлена ніякіх доказаў, якія пацвярджалі б гэтыя дадзеныя.
IAR/PR24/аз