Раман Гофман, які афіцыйна павінен пачаць працаваць у Масаде 2 чэрвеня, у цяперашні час з'яўляецца ваенным дарадцам Біньяміна Нетаньяху. Паведамляецца, што ён разам з ізраільскай разведкай пераканаў прэмʼер-міністра, што калі Ізраіль і ЗША нападуць, іранскі рэжым хутка ўпадзе. Гофман большую частку свайго жыцця праслужыў у войску, і пасля таго, як 7 кастрычніка быў паранены ў баі, Нетаньяху прыняў яго ў свой кабінет.
Гофман вырас у Беларусі, і яго веданне рускай мовы аказалася карысным для Нетаньяху ў яго кантактах з Крамлём. Аднак ён не размаўляе па-англійску і, што вельмі важна, ніколі раней не працаваў у разведвальным агенцтве. «Haaretz» параўноўвае яго з кіраўніком Шын Бет, які таксама прыйшоў у контрразведку без неабходных навыкаў і вопыту, але са значнай падтрымкай Нетаньяху.
Абодвум былі даручаны заданні, якія парадкам перавышаюць іх паўнамоцтвы, таму ад іх чакаюць удзячнасці. Гэта азначае, што яны павінны ахоўваць сакрэты лідара, прыкрываць яго пры неабходнасці, адмаўляцца раскрываць кампраметуючыя дакументы і нават хлусіць за яго, піша выданне.
Прызначэнне Рамана Гофмана супала з публікацыяй сакрэтнага заключэння, прадстаўленага ў Іерусалімскі суд, які разглядае крымінальныя справы супраць прэмʼер-міністра. У ім гаварылася, што Біньямін Нетаньяху ў цяперашні час не можа знаходзіцца ў адным месцы працяглы час — напрыклад, у зале суда — з-за боязі за сваю бяспеку.
Прызначэнне Гофмана ўсё яшчэ можа быць заблакавана Вярхоўным судом Ізраілю.
IAR/ав