Прэмʼер-міністр Петар Мадзьяр, чыя партыя «Ціса» мае канстытуцыйную большасць (141 са 199 мандатаў у Нацыянальным сходзе), агучыў гэтыя планы.
Найбольш спрэчак выклікала палажэнне, якое тычыцца прэзідэнта Тамаша Сулёка, абранага ў 2024 годзе галасамі дэпутатаў ад «Фідэс» і КДНП. Паводле слоў прэмʼер-міністра, пасля прыняцця папраўкі ў кіраўніка дзяржавы будзе пяць дзён, каб падпісаць яе, у адваротным выпадку можа пачацца працэдура імпічменту.
Кіроўная партыя абвінавачвае Сулёка ў занадта цесных сувязях з былым прэмʼер-міністрам Віктарам Орбанам і ў марнатраўстве дзяржаўных сродкаў.
Аднак праект паправак значна шырэйшы. Ён уключае 12 пунктаў, у тым ліку абмежаванне колькасці парламенцкіх тэрмінаў да трох і стварэнне спецыяльнага ўпраўлення па вяртанні і абароне дзяржаўных актываў, якое будзе займацца сродкамі, якія, як мяркуецца, былі незаконна прысвоеныя падчас кіравання Віктара Орбана.
У чацвер апазіцыйная партыя «Фідэс» арганізавала пратэст у Будапешце ў падтрымку прэзідэнта Сулёка, сцвярджаючы, што спроба яго адклікання зʼяўляецца неканстытуцыйнай.
ПР/юл