Хаўруснікі Украіны збіраюцца на сустрэчу ў Парыжы. У саміце «кааліцыі жадаючых» у сталіцы Францыі сустракаюцца, сярод іншага, лідэры Украіны, Еўрапейскага Саюза і НАТА. Польшчу прадстаўляе прэм'ер-міністр Дональд Туск.
Сёння да кааліцыі дзяржаваў, якія падтрымліваюць Украіну ў барацьбе з расійскім агрэсарам, далучаюцца дзве краіны: Малдова і Паўночная Македонія. Такім чынам агульная колькасць удзельнікаў кааліцыі вырасце да 37 дзяржаў.
Парыж хоча скарыстацца паляпшэннем адносін з Вашынгтонам, якое назіралася падчас нядаўніх самітаў G7 і НАТА, каб даць кааліцыі, якая не збіралася ў поўным складзе амаль пяць месяцаў, новы імпульс.
— Гэта будзе магчымасць абмеркаваць барацьбу з ценявым флотам, новыя ініцыятывы адносна абаронных магчымасцей, мабілізацыю нашай прамысловасці ў падтрымку Украіны і планаванне сумесных вучэнняў, — абвясціў Эманюэль Макрон падчас саміту НАТА ў Анкары.
Прэзідэнт Украіны Уладзімір Зяленскі абвясціў, што прадставіць у Парыжы праграму супрацьракетнай абароны. Ён таксама плануе ініцыяваць сустрэчу па гэтым пытанні.
Каля 30 лідараў таксама застануцца ў Парыжы да заўтра (14 ліпеня), каб прыняць удзел у ваенным парадзе з нагоды нацыянальнага свята Францыі.
IAR/аз