Парламент Балгарыі ўхваліў размяшчэнне на тэрыторыі краіны васьмі амерыканскіх самалётаў-запраўшчыкаў і каля 250 вайскоўцаў ЗША. Тэхніка будзе базавацца на авіябазе Безмер на паўднёвым усходзе краіны. Балгарскія ўлады падкрэсліваюць, што самалёты будуць выкарыстоўвацца выключна для лагістычнай падтрымкі, а дазапраўка амерыканскай авіяцыі, якая ўдзельнічае ў місіях, у тым ліку на Блізкім Усходзе, адбывацца над тэрыторыяй Балгарыі не будзе.
Прэзідэнт Балгарыі Румен Радзеў заявіў, што краіна выконвае свае саюзніцкія абавязацельствы перад ЗША і НАТА, але выключае выкарыстанне сваёй тэрыторыі для правядзення баявых аперацый на Блізкім Усходзе.
— Мы выконваем свае абавязацельствы і чакаем таго ж ад нашых саюзнікаў. Балгарыя застаецца прадказальным партнёрам. Мы цэнім добрыя адносіны з Ісламскай Рэспублікай Іран, і правядзенне ваенных аперацый на Блізкім Усходзе з тэрыторыі Балгарыі цалкам выключана, — сказаў ён.
Пасля рашэння Сафіі Тэгеран папярэдзіў Балгарыю пра магчымыя наступствы, заявіўшы, што любая дапамога ў падрыхтоўцы амерыканскіх удараў будзе расцэньвацца як саўдзел у агрэсіі.
iar/эж