У выніку землятрусу на захадзе Калумбіі неабходна было часова закрыць некалькі аэрапортаў. Шматлікія рэйсы былі адменены або затрыманыя, і сотні пасажыраў затрымаліся ў найбуйнейшым аэрапорце краіны ў горадзе Багата.
Сярод адмененых або перанесеных рэйсаў былі палёты ў Калі і Перэйру. Адзін з пасажыраў паведаміў, што яму давялося змяніць планы пасля прыбыцця з Еўропы.
— Мы толькі што прыбылі з Мадрыда і па прыбыцці даведаліся пра землятрус. Мы павінны былі заўтра вылецець у Перэйру і правесці 15 дзён у Калумбіі. Цяпер нам трэба знайсці альтэрнатыўны маршрут. Землятрус парушыў нашы планы.
На стойках рэгістрацыі і браніравання ў аэрапорце Эль-Дарада ў Багаце ўтварыліся доўгія чэргі. Рэйсы ў гарады непадалёк ад эпіцэнтра землятрусу былі адмененыя або адкладзеныя на нявызначаны тэрмін. Паводле апошніх дадзеных, у выніку землятрусу загінулі не менш за 164 чалавекі і больш за 570 атрымалі раненні. Значныя разбурэнні былі зафіксаваны ў 32 гарадах.
У панядзелак раніцай на захадзе Калумбіі адбыўся землятрус магутнасцю 7,4 бала па шкале Рыхтэра. Ратавальнікі праводзяць пошукавыя мерапрыемствы ў руінах разбураных будынкаў.
IAR/нг