— Падобныя прапановы ўжо рабіліся раней, але расійскі бок іх адхіліў, — нагадаў амерыканскі партал са спасылкай на дзве крыніцы, знаёмыя з гэтым пытаннем.
Незразумела, якой была рэакцыя Масквы на ідэю кіраўніка ЦРУ.
Як адзначыў Axios, Рэткліф упершыню ўдзельнічаў у дыпламатычных намаганнях, накіраваных на спыненне вайны Расіі супраць Украіны.
Кіраўнік ЦРУ нечакана наведаў Маскву ў аўторак, дзе пагаварыў з кіраўніком Службы знешняй разведкі (СЗР) Расіі Сяргеем Нарышкіным і кіраўніком Федэральнай службы бяспекі Аляксандрам Бортнікавым. Украінскі бок быў праінфармаваны аб змесце перамоваў, паведаміў у пятніцу прэзідэнт Украіны Уладзімір Зяленскі.
Трохбаковыя мірныя перамовы, на якіх амерыканскі бок часцей за ўсё прадстаўлялі пасланцы прэзідэнта ЗША Стыў Віткоф і Джарэд Кушнер, былі прыпыненыя ў сярэдзіне лютага з-за напружанасці на Блізкім Усходзе і наступнага пачатку вайны паміж ЗША і Ізраілем супраць Ірана.
PAP/юл