Літва хацела б, каб рашэнне аб адмене сезонных змен часу было прынята падчас яе старшынства ў Савеце Еўрапейскага Саюза ў наступным годзе. Галасаванне можа адбыцца ўжо ў канцы чэрвеня 2027 года.
Як паведаміў літоўскаму інфармацыйнаму агенцтву BNS намеснік міністра транспарту і камунікацый Лукас Пашкявічус, гэтая тэма ўжо ўключана ў прапанаваную праграму старшынства Літвы, якую павінен зацвердзіць Сейм.
Плануецца, што пытанне будзе абмеркавана падчас нефармальнай сустрэчы міністраў транспарту ЕС у лютым наступнага года. У гэты ж час чакаюцца і вынікі даследавання Еўракамісіі аб наступствах такога рашэння, у тым ліку для эканомікі, сельскай гаспадаркі і аховы здароўя.
Праблемай застаецца адсутнасць згоды паміж дзяржавамі—членамі ЕС адносна выбару «летняга» або «зімовага» часу.
Згодна з апытаннямі, большасць літоўцаў выказваецца за «летні» час.
Еўрапейская камісія прапанавала адмяніць сезонныя змены часу яшчэ ў 2018 годзе, а Еўрапарламент падтрымаў гэтую прапанову праз год. З таго часу праца па ўнясенні змяненняў ніякага прагрэсу не дасягнула.
IAR/аз