Прэзідэнт Літвы Гітанас Наўседа лічыць, што неабходна цаніць любыя намаганні, накіраваныя на спыненне расійскай агрэсіі супраць Украіны на ўмовах, прымальных для Кіева.
Прэзідэнт Літвы падкрэсліў, што еўрапейскія краіны павінны ўдзельнічаць у абмеркаванні ўмоў завяршэння вайны. Аднак, паводле яго, дагэтуль не вырашана, хто мог бы прадстаўляць Еўропу на магчымых перамовах і якія паўнамоцтвы атрымаў бы для іх правядзення.
У канцылярыі прэзідэнта Літвы звярнулі ўвагу, што прэзідэнт Фінляндыі і кіраўнік урада Нарвегіі размаўлялі з Пуціным ад імя сваіх дзяржаў, а не ўсёй Еўропы.
Кіраўніца фінскай дыпламатыі Эліна Валтанен учора, 27 кастрычніка, заявіла, што Фінляндыя не імкнецца выступаць пасярэднікам у вайне ва Украіне. Гэта звязана з тым, што яе краіна ад самага пачатку канфлікту падтрымлівае Кіеў. Міністарка падкрэсліла, што Хельсінкі не імкнуцца да паляпшэння адносін з Расіяй, аднак гатовыя прыкладаць намаганні дзеля дасягнення міру.
Прэзідэнт Аляксандр Стуб падчас адкрыцця 78-й сесіі «Паўночнай рады» патлумачыў, што разам з прэм'ер-міністрам Нарвегіі яны палічылі важным, каб краіны, якія мяжуюць з Расіяй, такія як Фінляндыя і Нарвегія, высветлілі пытанні, здольныя прывесці да непаразуменняў, а таксама непасрэдна данеслі да расійскага лідара пазіцыю паўночнаеўрапейскіх дзяржаў.
IAR/яс