У Венгрыі была запушчана анлайн-база з тысячамі дакументаў былой камуністычнай службы бяспекі. Пачынаючы з сённяшняга дня, кожны можа праглядаць яе бясплатна і без рэгістрацыі.
База можа ўтрымліваць інфармацыю пра 60 000 асоб, якія супрацоўнічалі з камуністычнымі службамі бяспекі. На першым этапе былі апублікаваныя тры тыпы дакументаў: заявы аб рэгістрацыі агентаў, рэестры завербаваных асоб і дадзеныя, сабраныя на магнітных стужках з 1970-х гадоў. Інфармацыю можна шукаць па імені, даце і месцы нараджэння, аператыўным кодавым імені і г.д. Але гэта яшчэ не ўсё.
Да 25 лютага таксама плануецца зрабіць даступнымі так званыя файлы вярбоўкі. Яны значна больш падрабязныя і могуць налічваць ад дзясяткаў да нават соцень старонак. У іх апісваюцца, сярод іншага, абставіны вярбоўкі і дзейнасць канкрэтнага агента.
Аднак гісторыкі і архівісты папярэджваюць не рабіць паспешных высноваў. Дакументы камуністычных сакрэтных службаў няпоўныя, а інфармацыя, якую яны ўтрымліваюць, не заўсёды дакладная.
Адкрыццё архіваў — адно з абяцанняў урада Петэра Мадзьяра. Яго мэта — спрыяць больш шырокаму разліку з камуністычным мінулым краіны.
IAR/аз