Расійскія ўлады паведамілі, каго накіруюць на мірныя перамовы са ЗША і Украінай. Сустрэча запланаваная на наступным тыдні.
У склад расійскай дэлегацыі ўвойдуць дарадца прэзідэнта Расіі Уладзімір Мядзінскі, а таксама намеснікі міністра замежных спраў Сяргей Рабкоў і Міхаіл Галузін. Пра гэта паведаміў «Інтэрфаксу» прэс-сакратар Крамля Дзмітрый Пяскоў. У склад дэлегацыі таксама ўвойдуць кіраўнік расійскай ваеннай разведкі Ігар Касцюкоў і старэйшы афіцэр Генеральнага штаба Юрый Жыгарлоўскі. У Абу-Дабі таксама павінен вылецець дарадца прэзідэнта Расіі Юрый Ушакоў.
У сваю чаргу міністр замежных спраў Канады Аніта Ананд заявіла пра патрэбу выпрацаваць варыянты больш эфектыўнага ціску на Расію. Гэтыя словы прагучалі падчас сустрэчы міністраў замежных спраў краін «Вялікай сямёркі». Ананд падкрэсліла, што патрэбныя больш шырокія ініцыятывы, чым тыя, што ажыццяўляліся да гэтага часу.
Ананд заявіла, што цяперашняя сітуацыя, у тым ліку расійскія абстрэлы Запарожскай АЭС, «патрабуе сумесных дзеянняў, якія выходзяць за рамкі таго, што ёсць на стале перамоваў, у тым ліку больш за 4000 санкцый (уведзеных – PAP), больш за 26 мільярдаў долараў дапамогі Украіне і падрыхтоўку ўкраінскіх салдат».
Ахарактарызаваўшы Расію як дзяржаву, якая дзейнічае «хаатычна і авантурна», Ананд падкрэсліла, што сама Расія «адгарадзілася ад глабальных нормаў».
ПР/РАР/юл