Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Іракскія студэнткі пратэстуюць супраць гендарнай сегрэгацыі ва ўніверсітэтах

21.11.2026 16:11
Пратэст стаў рэакцыяй на пагаршэнне становішча іракскіх жанчын.
   .
Пратэсны рух у Багдадзе. Ілюстрацыйнае фотаREUTERS

Пратэсты ў Іраку супраць гендарнай сегрэгацыі ва ўніверсітэце ўспыхнулі пасля таго, як улады аднаго з універсітэтаў звольнілі ўсіх выкладчыкаў-мужчын, спасылаючыся на «маральныя прычыны».

Гаворка ідзе пра ўніверсітэт Аль-Кадысія на поўдні Іраку і яго факультэт жаночай адукацыі. Гадамі там выкладалі і мужчыны, але нядаўна рэктар вырашыў усіх звольніць. Ён апраўдаў гэтае рашэнне пратэстамі сем'яў студэнтак, якія нібыта ціснулі на жанчын, каб яны не мелі зносін з мужчынамі ў лекцыйных залах жаночага факультэта.

За апошнія два тыдні ў пратэстах прынялі ўдзел каля 400 студэнтак, што прыцягнула ўвагу людзей ва ўсім Іраку, часткова з-за паводзін рэктара.

— Ён непаважліва выказваўся пра студэнтаў, высмейваў іх і літаральна казаў, што не зменіць свайго рашэння, нават калі яны памруць. Гэтае рашэнне незаконнае, бо яно парушае канстытуцыю, якая прадугледжвае роўнасць усіх іракцаў, — кажа Захра Абрахам, юрыст з Багдада.

Студэнткі таксама падвяргаюцца нападкам нядобразычліўцаў у сацыяльных сетках. Іх абвінавачваюць, сярод іншага, у абароне сваіх прафесараў, бо тыя хочуць уступіць з імі ў «амаральныя адносіны».

Назіральнікі адзначаюць, што пратэст стаў рэакцыяй на пагаршэнне становішча іракскіх жанчын, асабліва пасля прыняцця Закона аб асабістым статусе ў мінулым годзе. Як падкрэслівае Human Rights Watch, гэты закон пазбаўляе жанчын права прымаць рашэнні адносна ўласнага жыцця і робіць іх грамадзянамі другога гатунку.

Згодна з гэтым законам, мужчыны могуць, напрыклад, атрымаць развод без згоды жонкі або нават не паведаміўшы ёй пра гэта.

ПР/юл