Ушанаванне памяці ахвяр Катынскай разні, размовы пра бяспеку рэгіёна і эканамічныя пытанні, стануць асноўнымі тэмамі візіту прэзідэнта Анджэя Дуды ва Украіну. Візіт пачнецца ўвечары ў нядзелю.
Як паведаміў кіраўнік Канцылярыі прэзідэнта Кшыштаф Шчэрскі(Krzysztof Szczerski), прэзідэнцкая пара наведае польскія ваенныя могілкі ў Кіеве-Быкоўні. Пазней адбудуцца польска-ўкраінскія палітычныя перамовы з удзелам прэзідэнтаў Анджэя Дуды і Уладзіміра Зяленскага. Галоўнай тэмай стане бяспека рэгіёну, дадаў міністр Шчэрскі:
- Шмат месца будзе прысвячацца таксама будучыні нашага рэгіёна, у тым ліку Беларусі, што вельмі важна. Гэта краіна і Украіна з'яўляюцца няўстойлівымі элементамі на карце еўрапейскай бяспекі. Таму важна абмеркаваць гэтыя тэмы. Таксама адбудуцца двухбаковыя перамовы. Будуць абмяркоўвацца гістарычныя тэмы і супрацоўніцтва ў рамках увекавечання месцаў памяці.
Разам з прэзідэнтам ва Украіну накіруецца таксама старшыня Інстытута нацыянальнай памяці Яраслаў Шарэк(Jarosław Szarek).
Падчас другога дня візіту прэзідэнт Польшчы наведае Адэсу. У сваю чаргу Польская нафтагазавая кампанія падпіша пагадненне, якое дасць ёй магчымасць удзельнічаць у прыватызацыі энергетычнага і газавага сектара Украіны.
Другі кантракт падпішуць парты Адэса і Гданьск. Гаворка ідзе пра супрацоўніцтва ўсёй лагістычнай базы партоў. У склад польскай дэлегацыі ўвойдзе таксама міністр інфраструктуры Анджэй Адамчык(Andrzej Adamczyk).
Прэзідэнт Анджэй Дуда адкрые помнік гераіні „Салідарнасці” Анне Валенціновіч(Anna Walentynowicz) перад пасольствам Польшчы ў Кіеве. Прэзідэнты Польшчы і Украіны таксама ўскладуць кветкі да дошкі памяці прэзідэнта Леха Качыньскага.
Візіт кіраўніка польскай дзяржавы ва Украіну завершыцца ў аўторак.
аз