Літва вырашыла адклікаць яшчэ шасцёра дыпламатаў з Мінска і Гродна. Нагадваем, раней у Вільню выехалі пяцёра супрацоўнікаў дыпмісіі, нягледзячы на тое, што МЗС Беларусі патрабавала адклікання адзінаццаці чалавек. Вільня спадзявалася, што такім чынам атрымаецца захаваць рэшткі дыялогу з рэжымам Лукашэнкі.
Аднак літоўскае Міністэрства замежных спраў заявіла, што Мiнск не пагаджаецца на кампраміс, прапанаваны Літвой.
„Калі б мы не пагадзіліся з гэтым, беларускі бок абвясціў бы нашых дыпламатаў персонай нон грата. Гэта істотна абмежавала б магчымасці іх працы ў будучыні”, - паясніла прэс-сакратар Міністэрства замежных спраў Літвы Раса Якіляйтэне. Яна дадала, што ў адпаведнасці з патрабаваннямі Мінска літоўскі бок спрабуе спыніць працэс абмежавання дыпламатычных кантактаў.
„У той час, калі рэжым абмяжоўвае кантакты з Захадам, захаванне дыпламатычнага прадстаўніцтва ў Беларусі набывае яшчэ большае значэнне”, - падкрэслівае прадстаўніца літоўскага МЗС.
Некалькі дзён таму Беларусь пакінулі больш за 30 польскіх дыпламатаў. У знак салідарнасці з Літвой і Польшчай таксама іншыя краіны Еўрапейскага Саюза і Вялікабрытанія адклікалі сваіх паслоў у Беларусі для кансультацый.
аз