У Злучаных Штатах працягваецца падлік галасоў. Былы віцэ-прэзідэнт Джо Байдэн атрымаў значную перавагу над Дональдам Трампам ў такіх ключавых штатах як Пенсільванія і Джорджыя. Падлік галасоў тут зацягваецца, бо выбарчыя камісіі старанна правяраюць бюлетэні, атрыманыя па пошце.
Кандыдат ад Дэмакратычнай партыі Байдэн заклікаў сваіх прыхільнікаў да спакою і паабяцаў, што кожны голас будзе палічаны:
-Напружанне вельмі вялікая, яно і не можа быць інакш пасля такіх жорсткіх выбараў. Памятаеце, аднак, што мы павінны захоўваць спакой і цярплівасць. Выбарчы працэс ідзе, падлічваюцца ўсе галасы. Як гэта было на працягу 244 гадоў у гэтай краіне, мы зноў даказваем, што дэмакратыя працуе. Вашыя галасы будуць улічаныя. Незалежна ад таго, як моцна хтосьці спрабуе гэта спыніць, я не дазволю гэтаму здарыцца.
Цяперашні прэзідэнт ЗША Дональд Трамп ужо некалькі разоў патрабаваў спыніць падлік, з гэтай мэтай рэспубліканскія юрысты падавалі выбарчыя пазовы ў суды асобных штатаў. Дагэтуль, аднак, толькі адзін з іх быў задаволены – у Пенсільваніі суддзя пагадзіўся, каб бюлетэні, дасланыя па пошце, лічыліся асобна на выпадак іх анулявання, як таго патрабуе Рэспубліканская партыя.
Дагэтуль Джо Байдэн атрымаў 254 галасы выбаршчыкаў, Дональд Трамп – 214. Для канчатковай перамогі на выбарах у ЗША неабходжна атрымаць 270 галасоў выбаршчыкаў.
IAR/эж