У горадзе Эксетэр, што на паўднёвым захадзе Англіі мясцовыя жыхары ўспамінаюць польскіх пілотаў 307-ай начной эскадрыллі, якія выратавалі горад ад разбурэння падчас Другой сусветнай вайны. Бела-чырвоны сцяг лунае над гістарычным помнікам – сярэднявечнай гарадской ратушай, якая была выратавана ад нямецкіх бомбаў менавіта польскімі пілотамі.
Сённяшні дзень нагадвае калісь забытую, але вельмі важную старонку гісторыі Эксетэра, кажа тамтэйшы гісторык Майкл Пэрот:
-Дзіўна, што нейкім чынам гэтая гісторыя магла быць забытая. Але я спадзяюся, што дзякуючы нашаму праекту і штогадоваму ўзняццю польскага сцяга пра памятную дату зараз ведаюць больш людзей і не толькі ў Эксетеры.
Праз эпідэмію сёлета ўрачыстасці ў памяць аб польскіх пілотах 307-ай эскадрыллі, якія выратавалі англійскі Эксетэр, прайшлі ў абмежаваным фармаце.
IAR/эж