Ізраіль пашырае праграму вакцынацыі насельніцтва ад каранавіруса. Цяпер працэс ахопіць не толькі супрацоўнікаў службы аховы здароўя і пажылых людзей, але і настаўнікаў. Краіна, якая з’яўляецца лідарам у працэсе вакцынацыі супраць SARS-CoV-2, купляе чарговыя дозы прышчэпак. Міністэрства аховы здароўя Ізраіля паведаміла, што заўтра пачнецца вакцынацыя грамадзян ад 55 гадоў і настаўнікаў.
Улады ў Тэль-Авіве ў хуткім часе плануюць прывіваць 220 тыс. чалавек кожны дзень. Актуальна прышчэпкі атрымалі амаль два мільёны чалавек, што складае больш за 20% папуляцыі краіны. Такім чынам Ізраіль займае першае месца па вакцынацыі грамадзян. Учора ў краіну дастаўлена 68 тыс. доз вакцыны вытворчасці кампаній Pfizer i BioNTech, у чацвер пачнуцца пастаўкі прывіўкі фірмы Moderna.
Адначасова ўлады ў Тэль-Авіве крытыкуюцца за тое, што не пастаўляюць вакцыны на занятыя палестынскія тэрыторыі. Толькі на днях было паведамлена, што палестынцы атрымалі першую партыю прышчэпкі.
Актуальна ў Ізраілі COVID-19 хварэе амаль 70 тыс. чалавек, агульная колькасць заражаных наблізілася да 500 тыс. У выніку хваробы памерла 3 тыс. 600 чалавек.
вс