У Лондане памёр жаўнер арміі генерала Андэрса, выдатны гісторык, пісьменнік і журналіст у выгнанні прафесар Збігнеў Сямашка(Zbigniew Siemaszko). Яму было 97 гадоў. Пра смерць прафесара ў Твітэры паведаміў пасол Польшчы ў Лондане Аркадзь Жaгоцкі(Arkady Rzegocki).
Збігнеў Сямашка нарадзіўся ў 1923 годзе ў Ляхаўшчыне ў Віленьскім раёне. Падчас Другой сусветнай вайны ён быў дэпартаваны ў Савецкі Саюз. Разам з арміяй Андэрса праз Персію, Ірак, Палестыну і ПАР ён дабраўся ў Вялікабрытанію.
Пасля вайны ён актыўна ўдзельнічаў у жыцці польскіх эмігрантаў у Лондане. Пісаў для эмігранцкай прэсы, публікуючы справаздачы па сустрэчах, дыскусіях і аўтарскіх вечарынах у польскіх цэнтрах культуры ў Лондане.
Ён быў адным з аўтараў „Гістарычных сшыткаў” (Zeszyty Historyczne), выдаваных Ежы Гедройцам, публікаваў у часопісе „Культура”. Збігнеў Сямашка быў аўтарам больш за дзясятка кніг.
аз