Вярхоўны камісар ААН па правах чалавека Мішэль Бачэлет заклікала прэзідэнта Расіі Уладзіміра Пуціна спыніць узброены напад на Украіну. Яна падкрэсліла таксама, што Запарожскую АЭС неабходна дэмілітарызаваць.
Выступаючы ў Жэневе, Мішэль Бачэлет падкрэсьліла, што міжнародная супольнасьць павінна настойваць на прыцягненні расіян да адказнасьці, у тым ліку за дзеянні, які з'яўляюцца ваенным злачынствам.
- 6,8 мільёна чалавек, якія былі вымушаныя пакінуць краіну, яшчэ мільёны людзей сталі ўнутранымі перасяленцамі. Да гэтага часу мы задакументавалі забітых 5 587 мірных жыхароў, 7 890 параненых, і амаль 1000 з гэтых ахвяр - дзеці. Працягваюцца баі, вядуцца мерапрыемствы ва ўмовах неймавернай пагрозы мірнаму насельніцтву і прыроднаму асяроддзю ў раёне Запарожскай АЭС. Я заклікаю прэзідэнта Расіі спыніць узброены напад на Украіну. Запарожскую электрастанцыю неабходна неадкладна дэмілітарызаваць.
Мішэль Бачэлет заклікала абодва бакі паважаць правы чалавека.
Жэнеўская канферэнцыя была арганізавана з нагоды заканчэння 31 жніўня паўнамоцтваў Мішэль Бачэлет на пасадзе Вярхоўнага камісара ААН па правах чалавека.
IAR/яс