Расія атакуе Украіну з Мурманска. Раніцай ракеты трапілі ў грамадзянскія аб'екты між іншым у Кіеве, Дняпры, Хмяльніцкім і Крывым Рогу. Агенцтва УНІАН паведаміла, што гіпергукавыя ракеты «Кінджал» былі запушчаныя з далёкай поўначы Расіі.
Паводле ўкраінскіх узброеных сілаў, расійскія агрэсары выкарысталі самалёты Ту-95МС і Ту-22М3, якія падняліся з аэрапортаў у раёне Баранцава мора. Гіпергукавыя ракеты трапілі ў гандлёвы цэнтр у Крывым Рогу і жылыя дамы ў Запарожскай вобласці. У сваю чаргу, у Харкаве выбухі прагучалі каля прамысловых абʼектаў.
Па інфармацыі УНІАН, расійскія ракеты праляцелі над Івана-Франкоўскай вобласцю і паляцелі ў бок Львова. Украінскія ратавальнікі паведамілі, што там, куды даляцелі ракеты, ёсць загінулыя і параненыя.
IAR/нг