Дзяржбюро расследаванняў перадало актывы беларускай кампаніі Узброеным сілам Украіны
Дзяржаўнае бюро расследаванняў Украіны арыштавала актывы беларускай кампаніі ва Украіне на суму больш за 61 мільён долараў і перадало іх Узброеным сілам Украіны.
Сярод іншага канфіскавана 412 вагонаў з металапрадукцыяй. Пра гэта паведамляе прэс-служба Дзяржаўнага бюро расследаванняў.
Следчыя таксама выявілі ў марскім порце 26 тысяч тон металічных вырабаў. У зоне мытнага дагляду Адэскай мытні знойдзены арматурныя стрыжні, трубы і сталёвая загатоўка, якія належаць кампаніі з Беларусі.
яс