Пра сваю паездку ўкраінскі палітык паведаміў у сацыяльных сетках. «Я паразмаўляў з абаронцамі, падзякаваў ім і ўручыў ім дзяржаўныя ўзнагароды. Для мяне гонар быць тут, падтрымліваць воінаў і ўзнагароджваць іх. Яны выконваюць нялёгкую місію па выгнанні ворага і абароне Украіны. Мы ганарымся нашымі воінамі і ўдзячныя ім», — напісаў Уладзімір Зяленскі.
За апошнія суткі паміж украінскім войскам і расійскай арміяй адбылося 66 сутыкненняў, паведамляе Генштаб Узброеных сіл Украіны. Расіяне нанеслі два ракетныя ўдары, зладзілі 65 авіябамбардзіровак і 53 абстрэлы з рэактыўных сістэм.
У выніку гэтых нападаў пацярпелі мірныя жыхары. Ад выбухаў пацярпелі гарады ў Харкаўскай, Данецкай, Запарожскай і Херсонскай абласцях. Яшчэ дзевяць раёнаў падвергліся артылерыйскаму абстрэлу.
ПР/юл