За апошнія месяцы Бельгія выслала з краіны некалькі дзясяткаў грамадзян Расіі, падазраваных у шпіянажы, паведаміў бельгійскі прэм'ер – міністр Аляксандр Дэ Кро ў інтэрвʼю тэлеканалу RTL. Тэму працягвае карэспандэнтка Польскага радыё Бэата Пламэцка:
- Пра тое, што сталіца Бельгіі – гняздо шпіёнаў, вядома ўжо даўно. У Бруселі размяшчаюцца сядзібы інстытутаў ЕС, а таксама штаб-кватэра НАТА. Прэм’ер Бельгіі Аляксандр Дэ Кро кажа, што ў краіне ў асноўным шмат расійскіх шпіёнаў і некаторыя з іх нядаўна былі высланыя. «На паперы гэта так званыя дыпламаты, а на самой справе яны займаюцца шпіёнска-дэстабілізацыйнай дзейнасцю», – сказаў кіраўнік урада, згадаўшы таксама пра кібератакі.
«Вельмі часта, калі мы прымаем рашэнне распачаць дзеянні супраць Расіі, то нашы сайты на працягу некалькіх гадзін падвяргаюцца хакерскім нападам», – дадаў Аляксандр Дэ Кро.
Расія таксама распаўсюджвае дэзынфармацыю і сее раскол не толькі ў Бельгіі, але і ва ўсім ЕС. Чакаецца, што гэткія дзеянні будуць яшчэ больш узмацняцца па меры набліжэння да чэрвеньскіх выбараў у Еўрапейскі парламент.
IAR/аз