Афіцыйная Вільня перадала Украіне бронетранспарцёры М577, паінфармавала Міністэрства абароны Літвы ў суботу, 6 красавіка.
Ведамства не паведаміла пра дакладную колькасць перададзеных бронемашын. Пры гэтым Мінабароны падкрэсліла, што бесперапынная падтрымка Украіны з'яўляецца стратэгічнай мэтай Літвы.
"Узбраенне і тэхніка, якія мы і нашы саюзнікі даем, уносяць вырашальны ўклад у барацьбу Украіны за незалежнасць і бяспеку Еўропы ў цэлым. Мы будзем працягваць падтрымліваць Украіну столькі, колькі неабходна", - гаворыцца ў прэс-рэлізе Міністэрства абароны Літвы.
У заяве зазначаецца, што Вільня распрацавала доўгатэрміновы план падтрымкі Украіны, які прадугледжвае пакет ваеннай дапамогі Кіеву ў памеры 200 млн еўра на новыя закупкі ў перыяд 2024-2026 гадоў.
З пачатку нападзення Расіі на Украіну Літва перадала Кіеву ваенную дапамогу на суму каля 605 млн еўра.
вс