Нацыяналісты перамаглі ў першым туры датэрміновых парламенцкіх выбараў у Францыі. Яны атрымалі рэкордны вынік, і пасля другога тура можа аказацца, што ўпершыню ў гісторыі Францыі атрымаюць большасць у Палаце дэпутатаў.
Нацыянальны блок, то бок партыя «Нацыянальнае абʼяднанне» і яе хаўруснікі набралі 33,1 працэнта галасоў. На другім месцы апынуўся левы «Новы народны фронт», за які прагаласавала 27,9 працэнта выбаршчыкаў. На трэцім месцы – цэнтрысцкая кааліцыя, якая падтрымлівае прэзідэнта Эмануэля Макрона (20,4 працэнта галасоў).
Каментатары звяртаюць увагу, што нацыяналісты перамаглі пры самай высокай за больш чым 25 апошніх гадоў яўцы, якая склала 66,7 працэнта. У выніку ў больш чым двухсот акругах у другі тур выйшлі тры, а то і чатыры кандыдаты.
Левыя сілы заявілі, што адклічуць сваіх прадстаўнікоў там, дзе кандыдат ад цэнтрысцкай кааліцыі мае шанец перамагчы нацыяналістаў. Тое самае кажуць і цэнтрысты, але яны не хочуць адмаўляцца ад барацьбы за мандат на карысць ультралевых кандыдатаў. Паводле часткі каментатараў, гэта доказ нестабільнасці «рэспубліканскага фронту», які павінен перашкодзіць ультраправым сілам перамагчы ў другім туры выбараў.
Першыя прагнозы паказваюць, што нацыянальны блок атрымае большасць месцаў у ніжняй палаце парламента, але невядома, ці зможа ён сфарміраваць стабільны ўрад. Другі тур выбараў адбудзецца 7 ліпеня.
IAR/аз