Замест сябе Аляксандр Вучыч адправіў у Расію дэлегацыю міністраў.
У нефармальную групу краін, якія развіваюць БРІКС, уваходзяць Бразілія, Расія, Індыя, Кітай і ПАР. На саміт у Казань таксама прыедуць дэлегацыі з 30 краін.
У інтэрв'ю дзяржаўнаму сербскаму тэлебачанню прэзідэнт паведаміў, што падчас саміту ў Расіі ў Бялград прыедуць важныя госці — прэм’ер-міністры Польшчы і Грэцыі, а таксама кіраўнік Еўракамісіі. Ён дадаў, што гэта не самая важная прычына.
«Я быў вельмі шчыры з прэзідэнтам Пуціным і сказаў яму, што гэта было запланавана загадзя, але я таксама не хаваў гэтага і сказаў яму: шаноўны спадар прэзідэнт, нават калі б не было такіх візітаў, мне было б надзвычай цяжка прыехаць з-за розных рэчаў, якія вы добра ведаеце і якія, я думаю, вы разумееце», — сказаў Аляксандр Вучыч.
Ён удакладніў, што візіт у Казань на саміце БРІКС будзе дрэнна ўспрыняты сталіцамі краін ЕС. Таксама Вучычу задалі пытанне аб еўраінтэграцыі Сербіі. Ён адказаў, што краіна даўно абрала шлях у Еўрасаюз, але ў апошнія гады рэалізоўвала ўмовы ўступлення крыху павольней.
Вучыч паўтарыў, што Сербія не ўдзельнічае ў вайне і не будзе ўводзіць ніякіх санкцый супраць Расіі.
ПР/юл