Сусветна вядомы польска-французскі рэжысёр Раман Паланскі не паўстане перад судом за сексуальны гвалт над непаўналетняй у 1970-я гады. Адвакат рэжысёра паведаміў, што справа скончылася пазасудовым пагадненнем і пазоў адкліканы.
Суд павінен быў разглядаць справу аб нібыта згвалтаванні, учыненым Раманам Паланскім у 1973 годзе, непаўналетняй. У пазове апісваецца, як рэжысёр адвёў дзяўчыну на абед у рэстаран Лос-Анджэлеса, спіў яе, а потым адвёз да сябе дадому, дзе прымусіў займацца сексам.
Грамадзянскі пазоў, у якім патрабавалася кампенсацыя шкоды, быў пададзены ў чэрвені 2023 года, і суд павінен быў разгледзець справу ў жніўні наступнага года. Адвакат Рамана Паланскі абвясціў, што «бакі дамовіліся аб урэгуляванні прэтэнзій».
Рэжысёр адмаўляў здзяйсненне злачынства.
IAR/яс